Земјотрес со интензитет од 5,3 степени ја потресе Индонезија

ЏАКАРТА

Во индонезиската провинција Северно Малуку се почувствува земјотрес со интензитет од 5,3 степени, јавува Агенција Анадолија (АА).

Агенција за метеорологија, клима и геофизика (BMKG) на Индонезија информира дека епицентарот на земјотресот се наоѓа 91 километар северозападно од градот Тобело, на длабочина од 23 километри.

Засега нема информации за евентуални човечки жртви или материјална штета.

Пацифичкиот Центар за предупредување од цунами не даде аларм за можност од цунами.

Амбон, главниот град на провинцијата Малуку, на 26 септември беше потресен од земјотрес со интензитет од 6,8 степени, при што животот го загубија 36 лица.