Dmitri Chirciu
10 Февруари 2022•Ажурирај: 11 Февруари 2022
МОСКВА (АА) - На територијата на Белорусија започна заедничката воена вежба на Русија и Белорусија наречена „Сојузничка одлучност-2022“, пренесува Агенција Анадолија (АА).
Според соопштението на руското Министерство за одбрана, во вежбата „Сојузничка одлучност - 2022“ учествуваат одредени воени единици на Белоруските вооружени сили и воените единици поврзани со источната воена област на Руските вооружени сили.
Вежбата, која вклучува два ракетни системи за противвоздушна одбрана „С-400“ и „Панцир-С“, 12 руски борбени авиони „Су-35“, се одржува на полигоните Обуз-Лесновскиј, Осиповичскиј, Брестскиј, Гојскиј, Домановскиј и воените воздушни бази Баранович, Лунинетс, Лида, Мачулишчи во Белорусија.
Вежбата, на која ќе бидат тестирани воените сили на двете земји, се одржува со цел „спречување напади однадвор, борба против тероризмот, заштита на границите и заштита на интересите на државата“.
Воената вежба која се спроведува во согласност со договорот постигнат во декември 2021 година од страна на рускиот претседател Владимир Путин и белорускиот претседател Александар Лукашенко, ќе трае до 20 февруари.
