Директорот на ЦИА и премиерот на Израел разговараа за Иран

АЛ КУДС

Директорот на американската Централна разузнавачка служба (ЦИА), Вилијам Барнс, за време на посетата на Израел со премиерот на таа земја, Нафтали Бенет, разговараше за Иран и случувањата на Блискиот Исток, јавува Агенција Анадолија (АА).

Во соопштението на Кабинетот на израелскиот премиер е наведено дека приемот на директорот на ЦИА, Барнс, е одржан во Министерството за одбрана во Тел Авив.

Кажано е дека тие двајца разговарале за јакнење на соработката меѓу САД и Израел на полето за разузнавачки работи и безбедност, случувањата на Блискиот Исток, со посебен фокус на Иран и продлабочување на регионалната соработка.

На состанокот присуствуваа и директорот на Израелската разузнавачка служба, Мосад Дејвид Барнеа, челникот на Националниот совет за безбедност на Израел, Ејал Хулат, воениот секретар на Бенет, генерал-мајор Ави Гил и дипломатската советничка Шимрит Меир.

Кажано е дека Барнс синоќа се состанал со Барнеа за да разговараат за соработката и нуклеарните активности на Иран, но не се дадени подетални информации.

Барнс вчера во попладневните часови допатува во Израел, а по состанокот со израелските официјални претставници би требало да отпатува во Рамала, на окупираниот Западен Брег, за да се состане со претседателот на Палестина, Махмуд Абас.