СКОПЈЕ (АА) - Големата Омарова џамија во Газа, еден од најстарите и најзначајни верски објекти во Палестина, претрпе тешки оштетувања по израелските напади, покажуваат фотографиите направени од воздух, јавува Анадолу.

Џамијата, со историја долга 14 векови, е позната како третa најголема џамија во Палестина и претставува клучен симбол на духовниот и културниот живот во Газа.

Нејзината архитектура содржи препознатливи елементи од мамелучкиот и османлискиот период, што ја прави едно од најзначајните историски наследства во регионот.

Џамијата традиционално беше едно од најпосетуваните места за молитва за време на Рамазан, привлекувајќи илјадници верници од целиот град.

Нападите оставија сериозни оштетувања на централните делови на комплексот, вклучително и на делови од куполата, минарето и надворешните дворови.