Erbil Başay
03 Декември 2019•Ажурирај: 04 Декември 2019
БЕРЛИН (АА) – Германската министерка за интеграција, Анет Видман-Мауц, во својот говор на презентацијата на 12. Извештај за усогласеност што се одржува во Берлин, рече дека во Германија годишно се случуваат 1.100 десничарски напади, јавува Агенција Анадолија (АА).
Истакнувајќи дека сите луѓе треба да живеат во слободна и безбедна земја без страв, Видман-Мауц рече: „Екстремната десница, антисемитизмот и антимуслиманството се реални закани со кои треба да се справиме ефикасно.“
Видман-Мауц, наведувајќи дека треба да се води борба против екстремното десничарство, антисемитизмот, антимуслиманството и расизмот, потсети дека германската Влада пред околу еден месец го усвоила пакетот за борба против екстремното десничарство.
Според пакетот, правната држава треба да ги користи сите средства во борбата против злосторствата, а тоа важи и за злосторствата извршени на интернет.
Таа исто така истакна дека е загрижена за каков било развој на екстремната десница и дека не треба да се навредуваат луѓето поради нивното потекло, верата и изгледот.
Видман-Мауц, нагласувајќи дека во Германија живеат 20,8 милиони имигранти, рече дека 25,5 проценти од населението во Германија е од имигрантско потекло.
„Јазикот е клучот за интеграцијата. Многу деца започнуваат на училиште без познавање на германскиот јазик. Сите деца треба да бидат поддржани пред да започнат да одат на училиште“, рече Видман-Мауц.
