Германија планира да прими додатни 1.500 бегалци од грчките острови

БЕРЛИН

Германската канцеларка, Ангела Меркел и министерот за внатрешни работи, Хорст Зехофер, се согласија нивната земја да прими уште 1.500 бегалци од грчките острови, пренесува Агенција Анадолија (АА).

Локалните медиуми наведуваат дека се работи за семејства со деца и дека прифаќањето веќе е договорено со грчката Влада.

Наведено е и дека другиот партнер на Владата, Социјалдемократската партија (SPD), која сака да бидат примени повеќе бегалци, исто така би требало да го одобри планот на Меркел и Зехофер.

Ролф Мицених, шефот на парламентарниот клуб на СПД, изјави дека не знае за кој број се работи и дека Владата не се состои од премиер и министер за внатрешни работи.

„Важи компромисот меѓу владите, а не нивниот компромис“, изјави тој.

Премиерот на Баварија, Маркус Содер, го поздрави овој план, наведувајќи дека Германија на овој начин ќе ја исполни својата обврска да им помогне на бегалците.

Зехофер пред неколку дена најави дека по пожарите во бегалскиот камп „Мориа“ на грчкиот остров Лезбос, во таа земја биле преместени меѓу 100 и 150 од 400 деца без придружба што се наоѓале во кампот.

Во кампот „Мориа“ беа сместени околу 12.500 мигранти, а по пожарите минатата недела илјадници останаа без покрив над главата.