Hakan Çopur
07 Март 2022•Ажурирај: 08 Март 2022
ВАШИНГТОН
Русија регрутирала некои сириски странски борци искусни во градските битки за да ги однесе во Украина, пренесува Агенција Анадолија (АА).
Американскиот „Wall Street Journal“ (WSJ) во својата вест заснована врз информации од некои неименувани високи американски функционери, објави дека московската администрација во согласност со текот на војната во Украина бара нови методи.
На оваа тема, 4 американски функционери истакнаа дека откако се зголеми можноста за урбани војни во Украина, особено во Киев, Русија собира странски искусни борци од Сирија.
Во веста исто така се наведува дека Русија собрала странски борци искусни за судири во урбаните области од Сирија, особено за Киев, и на овие луѓе им понудила договори на ограничено време за одредена плата.
Американските власти, меѓу другото истакнаа дека сѐ уште не е познато за тоа како колку сириски странски борци досега се собрани во овој процес или кога овие луѓе ќе бидат испратени во Украина.
Претседателот на Украина, Владимир Зеленски, исто така соопшти дека повеќе од 16.000 странски борци од различни земји се пријавиле да се борат за Украина.
