КАЈСЕРИ (АА) - Првата тест доза на „ERUCOV-VAC“, потенцијалната вакцина против коронавирусот развиена на турскиот Универзитет во Ерџијес (ЕРУ), ја прими волонтер во Турција, јавува Агенција Анадолија (AA).
Станува збор за потенцијална вакцина развиена во Центарот за истражување и развој на вакцини на Универзитетот во Ерџијес (ERAGEM), а која ја произведува компанијата „Кочак фарма“.
Турското Министерство за здравство од почетокот го поддржува тој проект, кој се спроведува во рамките на домашните турски ресурси.
Со апликација на првата доза, започна првата фаза на тестирање на ефикасноста на потенцијалната турска вакцина.
Волонтерот Назиф Дурна рече дека е среќен што може доброволно да придонесе за ширење надеж меѓу луѓето.
Ректорот на ЕРУ, Мустафа Чалиш, рече дека претклиничките тестирања се завршени и дека на почетокот на јануари идната година би требало да биде завршена првата фаза од клиничкото тестирање.
Тој појасни дека во интервал од три недели волонтерот ќе прими уште една доза од потенцијалната вакцина, и дека наредната фаза на тестирање ќе се раководи согласно набљудувањата и резултатите од новозапочнатото тестирање.
