Во седум масовни гробници во болниците во Газа пронајдени над 520 тела

АНКАРА (АА) - Повеќе од 520 тела се пронајдени во седум масовни гробници во болниците во Газа, објави денес Министерството за здравство во палестинската енклава, јавува Анадолу.

„Пронајдовме 80 тела во три масовни гробници во дворовите на медицинскиот комплекс Ал-Шифа и уште десетици на болничките одделенија“, се наведува во соопштението на Министерството.

Испитувањето на телата ексхумирани од масовните гробници покажа дека најголем број тела се на пациенти на кои им била лишена здравствената заштита, се додава.

Израел започна војна во Појасот Газа по нападот на Хамас на 7 октомври во кој загинаа речиси 1.200 луѓе.

Оттогаш, во израелските напади врз Газа загинаа речиси 35.000 Палестинци, главно жени и деца, и предизвикана е огромна хуманитарна катастрофа.

Повеќе од седум месеци од почетокот на израелската војна, огромни делови од Газа се во урнатини, додека 85 отсто од населението на енклавата е внатрешно раселено.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарната помош да стигне до цивилите во Газа.