Во израелските напади врз Газа убиени уште 24 Палестинци, билансот порасна на 41.455

ГАЗА (АА) - Во нападите на израелската војска врз Појасот Газа убиени се уште 24 Палестинци, со што вкупниот број на убиени Палестинци од минатиот октомври порасна на 41.455, соопшти денес Министерството за здравство на енклавата, јавува Анадолу.

Министерството додаде дека од октомври минатата година во нападите се повредени најмалку 95.878 Палестинци.

„Израелските сили убија 24 лица и повредија 60 во три масакри на семејства во последните 24 часа“, соопшти Министерството.

„Многу луѓе сè уште се заробени под урнатините и на патиштата бидејќи спасувачите не можат да дојдат до нив“, се нагласува.

Израел ја продолжува својата брутална офанзива врз Појасот Газа и покрај резолуцијата на Советот за безбедност на ОН со која се повикува на итен прекин на огнот. Нападите започнаа по упадот на палестинската група Хамас минатиот 7 октомври.

Израелската офанзива го принуди на раселување речиси целото население на Газа, а тековната блокада доведе до сериозен недостиг на храна, чиста вода и лекови.

Израел се соочува со обвинувања за геноцид пред Меѓународниот суд на правдата за неговите дејства во Газа.