Во израелскиот напад на Бејрут загинаа пет деца

БЕЈРУТ (АА) - Во денешниот израелски напад врз главниот град на Либан, Бејрут, според првичните информации, загинаа најмалку пет деца, јавува Анадолу.

„Во израелскиот напад на Бејрут, според првичните податоци, загинаа пет деца“, објави либанската државна новинска агенција и наведе дека израелски авиони Ф-35 го бомбардирале југот на Бејрут.

Израелската војска соопшти дека извршила воздушен напад врз Бејрут.

Припадниците на Цивилната заштита, Црвениот крст и медицинскиот персонал кои беа на местото на израелскиот напад во јужното предградие на Бејрут побараа од жителите да не одат во подрачјето на нападот, да ги евакуираат патиштата, да не се собираат и да создадат простор за спасувачки операции.