Велика Британија: Возачите што ќе предизвикаат смрт поради користење телефон ќе добијат доживотен затвор

ЛОНДОН

Во Велика Британија на доживотен затвор ќе бидат осудени возачите што користеле телефон при предизвикување на сообраќајна несреќа со смртни последици, пренесува Агенција Анадолија (АА).

Според веста на „Би-би-си њуз“ („BBC News“), на почетокот на следната година, нацрт-законот кој вклучува изрекување на строги казни за возачите што предизвикале смрт поради користење телефон или брзо возење, ќе биде доставен до Парламентот.

Според нацрт-законот, возачите што ќе предизвикаат смрт поради употреба на телефон или брзо возење ќе бидат осудени на доживотен затвор.

Исто така и возачите што ќе предизвикаат смрт поради дејство на дрога ќе бидат осудени на доживотен затвор.

Според сегашните закони во земјата, оние што направиле вакви прекршоци се осудуваат на казна затвор до 14 години.

Нацрт-законот предвидува возачите што ќе предизвикаат сериозни повреди на други лица поради невнимание, исто така, да бидат осудени на затворска казна.

Бидејќи порано немаше таков член во законот, невнимателните возачи се казнуваат само парично.