Бројот на убиени во немилосрдните израелски напади во Газа достигна 39.600

ГАЗА (АА) - Уште најмалку 40 Палестинци се убиени во израелските напади врз Појасот Газа, со што вкупниот број загинати од 7 октомври минатата година достигна 39.623, соопшти денес Министерството за здравство во уништената енклава, јавува Анадолу.

Во соопштението на Министерството се додава дека околу 91.469 лица се повредени во нападот.

„Израелските сили убија 40 лица и повредија 71 во два 'масакра' врз семејства во последните 24 часа“, соопшти Министерството.

„Многу луѓе сè уште се заробени под урнатините и на патиштата бидејќи спасувачите не можат да дојдат до нив“, се додава.

Прекршувајќи ја резолуцијата на Советот за безбедност на Обединетите нации со која се бара итен прекин на огнот, Израел се соочи со меѓународна осуда поради континуираната брутална офанзива врз Газа.

Израел е обвинет за геноцид пред Меѓународниот суд на правдата, со чија последна пресуда му се наложи веднаш да ја прекине воената операција во јужниот град Рафа, каде што повеќе од еден милион Палестинци побараа засолниште од војната пред да започне копнената офанзива врз градот на 6 мај.