Блинкен се сретна со министрите за надворешни работи на Азербејџан и Ерменија

ЊУЈОРК (АА) – Американскиот државен секретар Eнтони Блинкен ги повика Азербејџан и Ерменија да се вратат на мировниот процес, јавува Агенција Анадолија (АА).

Во соопштението на Државниот секретаријат на САД се вели дека Блинкен се сретнал со азербејџанскиот министер за надворешни работи Џејхун Бајрамов и со ерменскиот министер за надворешни работи Арарат Мирзојан.

На првата средба по последните тензии меѓу двете земји, Блинкен изразил сочувство за жртвите од конфликтите.

Блинкен ги повикал двете страни на спречување понатаможни конфликти и враќање кон мировниот процес, а со колегите разговарајќи за следните чекори, ги поканил на нова средба до крајот на месецот.