Блинкен одвоено разговараше со Алиев и Пашинјан

ИСТАНБУЛ (АА) - Американскиот државен секретар Ентони Блинкен разговараше за мировниот процес меѓу двете земји во одвоени телефонски разговори со азербејџанскиот претседател Илхам Алиев и ерменскиот премиер Никол Пашинјан, јавува Анадолу.

Блинкен го поздрави договорот за одредување на границите меѓу Азербејџан и Ерменија да се користи Декларацијата од Алмати, потпишана во 1991 година, се вели во соопштението на Стејт департментот.

Блинкен, исто така, ја пренесе американската поддршка за „траен“ и „чесен“ мир меѓу администрациите на Баку и Ереван.

Во разговорот со Алиев, тој ја истакна и желбата за развој на билатералните односи меѓу САД и Азербејџан.

Блинкен ја истакна желбата на САД да соработуваат со Азербејџан во однос на целите за енергија, клима и поврзување и ја изрази својата желба за успешно завршување на 29. конференција на страните на Рамковната конвенција на Обединетите нации за климатски промени (COP29), која ќе се одржи во Азербејџан оваа година.

Во разговорот со Пашинјан, Блинкен ја повтори американската поддршка за суверенитетот и територијалниот интегритет на Ерменија.

Азербејџан и Ерменија на 19 април постигнаа договор дека процесот на утврдување на границата ќе се спроведува врз основа на Декларацијата од Алмати потпишана во 1991 година.