Баран терорист на ДЕАШ фатен додека се обидувал да избега во Сирија

ГАЗИАНТЕП

Баран терорист на терористичката организација ДЕАШ, кој е осуден на повеќе од осум години затвор во Турција, е фатен додека се обидувал да избега во Сирија, јавува Агенција Анадолија (АА).

За терористот, идентификуван како Мехмет Фатих Алиџи, се вели дека е одговорен за „военото крило во Турција“ на терористичката организација ДЕАШ.

Тој е осуден за обезбедување експлозивни материјали и идеолошка и воена обука на многу членови на терористичката група во Сирија.

Терористот е фатен во куќа во југоисточната област Газиантеп додека се обидувал да избега во Сирија.

По здравствената контрола, осомничениот е притворен и испратен во затвор.