Американските сенатори го повикуваат Бајден на „договор за прекин на огнот и размена на заложници во Газа“

ВАШИНГТОН (АА) - Околу 25 американски сенатори упатија писмо до претседателот на САД, Џо Бајден, и повикаа на хуманитарна пауза во судирот во Газа, а во меѓувреме и ослободување на израелските заложници и испорака на хуманитарната помош за цивилите во Газа, известува Анадолу.

Сенаторите, предводени од Џон Ософ и Рафаел Ворнок, испратија писмо до Бајден и го повикаа да вложи повеќе дипломатски напори во врска со заложниците и прекинот на огнот во Газа.

Во писмото, кое се однесува на израелските напади на Газа, се вели дека е потребно да дојде до „хуманитарна пауза во судирот“ и во меѓувреме треба да се спасат израелските заложници и да се достави хуманитарна помош за цивилите кои се во тешка ситуација во Газа.

„Без примирје, ескалацијата на регионалните тензии претставува закана за националната безбедност на САД. Успехот на овие преговори, исто така, е во непосреден интерес на милиони недолжни цивили“, се вели во писмото.

Истакнувајќи дека секој ден во Газа се убиваат сѐ повеќе цивили, во писмото се истакнува дека хуманитарната пауза во регионот би била можност за запирање на цивилните загуби и за дипломатски преговори.

Важно е да се напомене дека писмото се совпадна со периодот во кој израелскиот премиер, Бенјамин Нетанјаху, одби да прати преговарачки тим во Египет за размена на заложници и преговори за прекин на огнот.