Американски претставник: Преговорите за прекин на огнот во Украина продолжуваат в недела во Џеда

ВАШИНГТОН (АА) - Преговорите за прекин на огнот во руската војна со Украина ќе продолжат в недела во градот Џеда, Саудиска Арабија, објави специјалниот пратеник на американскиот претседател Доналд Трамп, Стив Виткоф, пренесува Анадолу.

„Имаме тим што ќе оди во Саудиска Арабија, предводен од нашиот советник за национална безбедност (Мајк Волц) и од нашиот државен секретар (Марко Рубио)“, изјави Виткоф во интервју за „Фокс њуз“.

Најавата дојде неколку часа по телефонскиот разговор меѓу Трамп и неговиот руски колега Владимир Путин вчера, за време на кој тие разговараа за нормализирање на билатералните односи, изгледите за решавање на украинскиот конфликт и ситуацијата на Блискиот Исток.

Трамп по повикот истакна дека се согласиле на „итен“ прекин на огнот што привремено ќе ги запре нападите „на целата енергетска инфраструктура“.

„Би го пофалил претседателот Путин за сето она што го направи денеска во тој разговор да ја приближи неговата земја до конечен мировен договор“, истакна Виткоф.