Ал-Каеда во Магреб ја подели одговорноста за убиствата во хотелот во Мали

БАМАКО (АА) - Лидерот на еден огранок на ал-Каеда презеде одговорност за нападот на хотелот во Бамако, Мали, на 20-ти ноември во кој беа убиени 19 лица, јавува Anadolu Agency (АА).

Абделмалик Дрокдел, лидерот на Ал-Каеда во исламскиот Магреб, објави видео, доцна синоќа, во кое ја дели одговорноста за смртоносниот напад заедно со уште една екстремистичка група, ал-Мурабитун.

Лидерот на таа група, Алжирецот Моктар Белмоктар, и ветил верност на ал-Каеда минатиот мај.

Синоќешното видео одбива било каква поврзаност на двете групи со ДАЕШ, опишувајќи го како нивен непријател.

Формирана во 2013 година, групата ал-Мурабитун е активна во северниот дел на Мали и африканскиот регион Сахел.

Во последниве години, имаат презедено одговорност за неколку напади во регионот, вклучувајќи и многу заложнички инциденти.