Активистите на Гринпис поставија голем транспарент „Не за војната“ во главниот град на Шпанија

МАДРИД (АА) – Меѓународната еколошка организација Гринпис денес постави голем транспарент со пораката „Не за војната“ во центарот на главниот град на Шпанија, Мадрид, јавува Анадолу.

Активистите на Гринпис го поставија транспарентот во знак на протест против американските и израелските напади врз Иран.

Во официјално соопштение организацијата истакна дека војните „никогаш не се решение“ и повика на мир, истовремено осудувајќи ја „сериозната воена ескалација“ на Блискиот Исток.

Гринпис додаде дека откако се започнати нападите врз Иран, во бомбардирањата и ракетните напади убиени се илјадници цивили, голем број се повредени, погодени се училишта, болници, домови и цивилна инфраструктура, а предизвикано е и големо раселување на жителите.

Денес слоганот „Не за војна“ е позначаен од кога било, истакна организацијата.

Четири часа по поставувањето шпанските власти го отстранија транспарентот.