Азербејџанскиот претседател Алиев побара од Русија да плати компензација за соборувањето на патничкиот авион

ИСТАНБУЛ (АА) - Азербејџан денес побара Русија да ја признае вината за соборувањето на азербејџанскиот патнички авион, да ги казни одговорните и да плати отштета, јавува Анадолу.

Во изјавата за новинарите во Баку, азербејџанскиот претседател Илхам Алиев потврди дека авионот на „Азербејџан ерлајнс“, кој се урна во близина на казахстанскиот град Актау, бил тешко оштетен од оган од копно и изгубил контрола поради радио-електронско војување.

„Фактите се дека азербејџанскиот цивилен авион е оштетен однадвор, на руска територија, во близина на Грозни, и за малку ќе ја изгубел контрола. Знаеме и дека нашиот авион е оневозможен (во командите) поради радио-електронското војување“, рече тој.

Авионот на АЗАЛ, кој леташе од Баку за Грозни во руската Чеченска Република, се урна во средата на 3 километри од казахстанскиот град Актау, на брегот на Каспиското Море.

Казахстанските власти објавија дека 38 лица загинале во падот на авионот „Ембраер 190“, во кој имало 67 луѓе, додека 29 преживеале. Истрагата за инцидентот е во тек и во Азербејџан и во Казахстан.