Авион што летал од Куба кон Флорида удрил во јато птици

ФОРТ ЛОДЕРДЕЈЛ (АА) - Авион што летал од Куба кон Флорида во САД, се вратил на местото на полетување поради дефект што настанал откако авионот се судрил со јато птици, пренесува Анадолу.

Авион на „Саутвест ерлајнс“, што летал за Форт Лодердејл на Флорида, удрил во јато птици. Од авиокомпанијата наведуваат дека птиците удриле во еден од моторите и во врвот од авионот.

Патниците изјавија дека од авионот излегувал чад, па биле принудени да ги користат маските за кислород, што инаку се користат во итни ситуации.

Откако авионот безбедно слетал на Куба, некои од патниците се евакуирани низ излезите за итни случаи, додека други ги користеле тобоганите на надувување. Нема повредени.