„Тоа што се случи во Сребреница сега се случува во Палестина“

ПОТОЧАРИ (АА) - Жал ми е за тоа што се случи тука во Сребреница, тогаш не бев ни роден, но од медиумите и училиштето дознав што се случи овде, изјави палестинскиот новинар, фотограф и активист Мотаз Азаиза, кој пристигна во Поточари по повод 29-годишнината од геноцидот над Бошњаците во Сребреница, јавува Анадолу.

Тој истакна дека на секој чекор ја чувствува големата љубов на граѓаните во Босна и Херцеговина кон Палестина.

„Тоа што се случи во Сребреница, денес се случува во Газа“, изјави Азаиза, изразувајќи благодарност до народот на БиХ за поддршката на Палестинците.

„Сакам да му се заблагодарам на народот што заедно ги носи знамињата на Палестина покрај знамињата на Босна и Херцеговина“, рече палестинскиот новинар.

Потоа изрази длабоко жалење за геноцидот врз Бошњаците во јули 1995 година.

„Жал ми е за тоа што се случи овде, тогаш не бев ни роден, но за тоа што се случи овде дознав преку медиумите и во училиштето. Она што се случи овде сега им се случува на луѓето во Палестина“, рече Азаиза, која пристигна во Поточари нагрнат со палестински шал и со истакнат „Цвет на Сребреница“.

На светската јавност ѝ стана познат на почетокот на агресијата врз Газа, кога пред да замине од Палестина секојдневно на социјалните мрежи известуваше за ужасите што израелската армија ги спроведува во Појасот Газа. Околу 18,1 милиони корисници го следат Азаиза на Инстаграм.