„Старбакс“ повлекува пластични сламки од 8.000 продавници

СИЕТЛ (АА) - „Старбакс“ ќе забрани пластични сламки во сите свои продавници во светот за помалку од две години, поради заканата по животната средина и океаните во светот, пренесува Anadolu Agency (AA).

„Старбакс“ е најголема компанија за производство на храна и пијалаци која работи на глобално ниво.

Од „Старбакс“ денес ја соопштија одлуката за укинување на употребата на сламки во 8.000 продавници во Соединетите Американски Држави (САД) и Канада за одредени напитоци.

Компанијата „Starbucks Coffee Co.“ проценува дека со елиминирање на сламките од 8.000 продавници ќе заштеди повеќе од милијарда пластични сламки годишно.

Одлуката на компанијата е соопштена по една недела откако во градот Сиетл беше забранета употребата на пластични сламки и садови за еднократна употреба на компаниите што продаваат храна или пијалак во тој град.

Од „Старбакс“ велат дека ладните пијалаци во кои обично е вклучена сламка, изнесуваат 50 отсто од пијалаците што се продаваат во нивните продавници, а овој број изнесувал само 37 отсто пред пет години.