Според документ на Пентагон, ракети во вредност од 500 милиони долари користени за одбрана на Израел од Иран
Документот, со датум од 1 август, покажува дека 498,3 милиони долари биле пренаменети за замена на пресретнувачите ТХААД што се користеле за време на борбените операции на САД спроведени на барање на Израел
ИСТАНБУЛ (АА) – Соединетите Американски Држави (САД) испалиле пресретнувачки ракети во вредност од речиси 500 милиони долари за да го одбранат Израел за време на неговиот неодамнешен конфликт со Иран, според неодамна објавениот буџетски документ на Пентагон, јавува Анадолу.
Документот, со датум од 1 август, покажува дека 498,3 милиони долари биле пренаменети за замена на пресретнувачите ТХААД што се користеле за време на борбените операции на САД спроведени на барање на Израел.
Трансферот е опишан како „ставка од посебен интерес на Конгресот“ и „итна потреба од буџетот“.
„Воената зона“, американски новински медиум за одбрана, прв го објави документот во вторникот.
Јулскиот извештај на Си-ен-ен, повикувајќи се на извори запознаени со операцијата, вели дека САД можеби користеле помеѓу 100 и 150 од врвните пресретнувачи на ракети ТХААД за време на дванаесетдневната војна, што е приближно една четвртина од американските резерви.
На 13 јуни Израел започна сеопфатни воздушни напади врз нуклеарните објекти на Иран во градовите, меѓу кои Натанц и Исфахан, заедно со клучните воени командни центри, според иранските државни медиуми и израелската војска.
Во нападите, наводно, загинале началникот на Генералштабот на Иран, командантот на Корпусот на Исламската револуционерна гарда, неколкумина високи генерали, најмалку деветмина нуклеарни научници и стотици цивили.
Иран возврати со стотици балистички ракети кон израелските градови, убивајќи десетици и предизвикувајќи голема штета. Повеќето од ракетите беа пресретнати.
САД, големи израелски сојузници, продолжија со своите напади на 22 јуни. Во нападот, наречен „Операција полноќен чекан“, цел беа иранските нуклеарните централи Натанц, Фордоу и Исфахан, при што се користеа бомби за уништување бункери и водени ракети.
Конфликтот заврши на 24 јуни, по напорите за прекин на огнот посредувани од САД откако иранските напади врз американските бази во регионот предизвикаа стравувања од поширока ескалација.
Меѓународната агенција за атомска енергија извести за сериозни штети, но без евидентирана радијација.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
