Faruk Hanedar
26 Септември 2025•Ажурирај: 27 Септември 2025
ЕРУСАЛИМ (АА) - Додека израелскиот премиер Бенјамин Нетанјаху го започнуваше својот говор на Генералното собрание на Обединетите нации, голем број претставници на земји ја напуштија салата во знак на протест, известува Анадолу.
Израелскиот премиер Бенјамин Нетанјаху се соочи со критики на Генералното собрание на ОН за неговата улога во хуманитарната катастрофа што произлезе од нападите врз Палестинците и попречувањето на влезот на хуманитарна помош во Појасот Газа од 7 октомври 2023 година.
Кога Нетанјаху влезе во салата за да се обрати на 80. Генерално собрание на ОН, голем број претставници на земјите почнаа да ја излегуваат од салата, оставајќи ја значително празна.
На влезот на зградата некои демонстранти им се обратија на претставниците на делегациите при влегувањето со прашањето: „Зошто влегувате да го слушате Нетанјаху?“
Говорот на израелскиот премиер пред Генералното собрание на ОН, кој се соочува со меѓународен притисок поради континуираните напади врз Палестинците што претставува геноцид во Појасот Газа, привремено беше одложен поради протестите, а за време на неговото обраќање од салата се слушаше мрморења.
Додека Нетанјаху зборуваше, иранската делегација ја напушти салата, оставајќи на масата фотографии од цивили убиени во израелските напади врз Иран.
Во својот говор Нетанјаху посочи на нападите на Израел врз Газа, Либан, Јемен и Сирија, тврдејќи дека Иран претставува закана за целиот свет и дека неговите напади врз Иран се легитимни.
