„Превртените лалиња“ што цветаат во Источна Туркије ја разубавуваат природата

ШИРНАК (АА) – Ендемичните „превртени лалиња", кои цветаат во пролет во округот Улудере во Ширнак, Источна Туркије, ја разубавуваат природата со своите бои, јавува Анадолу.

Во некои делови на населените места Хилал и Шеноба овие цветови, познати меѓу народот како „плачлива невеста“ или „цвет на тагата“, природно растат и го најавуваат доаѓањето на пролетта.

„Превртените лалиња“ се сметаат за симбол на регионот, благодарение на нивните впечатливи бои и магичен изглед.

Во Туркије тие растат природно не само во Ширнак туку и во Тунџели, Афшин, Ерзурум, Адијаман и Хакќари.

Според христијанското верување, „превртените лалиња“ никнале од солзите што Богородица ги пролеала на земјата по распнувањето на Исус Христос.