„Геноцидниот манијак Нетанјаху сака етнички да ги очисти Палестинците“

ЊУЈОРК (АА) - „Израелското бомбардирање на кампот за раселени лица во градот Рафа во јужниот Појас Газа во текот на викендот било намерно“, изјави Рашида Тлаиб, единствената палестинско-американска членка на американскиот Конгрес, известува Анадолу.

„Ова беше намерно. Не убивате случајно голем број деца и нивни семејства повторно и повторно и потоа велите: 'Тоа беше грешка'“, рече Тлаиб на социјалната мрежа Х.

„Геноцидниот манијак Бенјамин Нетанјаху ни покажа дека сака етнички да ги очисти Палестинците“, рече Тлаиб.

Убиени се најмалку 45 лица, главно жени и деца, а близу 250 се ранети во неделниот израелски напад на кампот за раселени лица во Рафа.

Нападот во неделата се случи во близина на логистичката база на Агенцијата на ОН за палестински бегалци (УНРВА) во Тал ал-Султан.

Нападот предизвика остри осуди од целиот свет во период во кој сѐ погласни се обвинувањата дека Израел им пркоси на повиците да ја запре смртоносната офанзива во Појасот Газа.