„Би-би-си“ призна дека направил лажна вест и се извини

ЛОНДОН (АА) - Британскиот јавен радиотелевизиски сервис „Би-би-си“ (BBC) се извини на претседателот на Украина, Петро Порошенко, поради лажната вест и го прифати надоместокот на штета предизвикана од лажната вест, пренесува Anadolu Agency (AA).

Од „Би-би-си“ се вели дека во вест објавена во мај минатата година било напишано дека наводно биле исплатени 400.000 долари за продолжување на состанокот меѓу американскиот претседател Доналд Трамп и Порошенко.

Во соопштението се истакнува дека во веста која подоцна била избришана од интернет-страницата на „Би-би-си“, пишувало дека парите биле дадени на поранешниот адвокат на Трамп, Мајкл Коен.

„Наводите за состанокот во јуни 2017 година не беа вистинити“, истакнаа од „Би-би-си“.

Веста на „Би-би-си“ била објавена и на еден телевизиски канал во Велика Британија.

„Му се извинуваме на Порошенко поради непријатностите што ги предизвикавме. Се согласивме да ги платиме надоместоците и судските трошоци“, се наведува во соопштението.