Попоски учествува на Бледскиот стратешки форум во Словенија

СКОПЈЕ (AA) - Вицепремиерот и министер за надворешни работи на Република Македонија, Никола Попоски ќе учествува на Бледскиот стратешки форум, насловен „Зачувување на иднината“, кој се одржува во Блед, Словенија, пренесува Anadolu Agency (AA).

Како што информираат од Министерството за надворешни работи, Попоски ќе се обрати на панел-дискусијата на тема „Западен Балкан – Дали ЕУ е сѐ уште атрактивен фактор?“ Исто така, се соопштува дека за време на Форумот е предвидено македонскиот министер за надворешни работи да оствари и билатерални средби.