Американските царини за увозот на кинеска стока изнесуваат 145 отсто, појаснија од Белата куќа

Американските царини за увозот од Кина сега изнесуваат 145 отсто, откако оваа недела претседателот Доналд Трамп драматично ги зголеми давачките на увозот, потврди денес претставник на Белата куќа, јавува Анадолу.

Трамп вчера изјави дека кинескиот увоз сега ќе подлежи на реципрочна царина од 125 отсто, која не ја вклучува царината од 20 отсто за фентанилот, што тој ја воведе претходно оваа година.

„Кога ПОТУС (претседателот на САД) и ние зборувавме за 125 отсто, тоа се однесуваше само на вкупната реципрочна царина. Царините за фентанил од 20 отсто се додаваат на нив“, изјави за Анадолу претставник на Белата куќа.

Пазарот се зголеми во текот на вчерашниот ден кога Трамп им даде на десетици земји 90-дневно одложување на царините над неговите 10 отсто основна тарифа, што требаше да стапат на сила тој ден. Но, стравувањата дека САД и Кина, двете водечки светски економии, се движат кон засилена трговска војна, предизвикаа пад на пазарите денес.

Берзата Насдак падна за повеќе од 4,6 отсто, додека Доу падна над 3 отсто во утринското тргување.