Burak Karacaoğlu,Ömer Koparan,Eşref Musa
19 Октомври 2019•Ажурирај: 20 Октомври 2019
РАС ЕЛ АЈН
Терористичката организација ЈПГ/ПКК, и покрај постигнатиот договор меѓу Турција и САД, вчера отвори оган врз Сириската национална војска (СНВ) во Рас ел Ајн на сириско-турската граница, јавува Anadolu Agency (AA).
И покрај постигнатиот договор меѓу Турција и САД за воведување на 120-часовна пауза на операцијата, со цел да се обезбеди повлекување на терористите на ЈПГ/ПКК од безбедносното подрачје, терористите ги нападнаа војниците на СНВ.
Синоќа припадници на терористичката организација изведоа напад со снајперски оган, ранувајќи тројца војници на СНВ.
Ранетите војници на СНВ од Рас ел Ајн во Сирија, се префрлени на лекување на турска територија во Џејланпинар, во областа Шанлиурфа.
Турското министерство за одбрана преку својот профил на социјалната мрежа Твитер ги сподели следните информации „Додека ТСК во целост се придржува на Договорот за безбедносната зона, терористите на ЈПГ/ПКК во последните 36 часа изведоа 14 притисоци/напади.“
