Секое трето лице во светот се жали на недостаток од сон

АНКАРА (АА) - Едно од три лица во светот страда од несоница, а причина за тоа се и економските загуби, јавува Anadolu Agency (AA).

Резултатите од студијата кои можат да се прочитаат и во весникот „SLEEP“ коj го објавува „Oxford University Press“ покажуваат дека сè повеќе возрасни лица се жалат на недоволна количина на сон.

Истражувањето покажува дека е зголемен бројот на луѓето кои се жалат на недоволна количина сон, а кој во претходните студии во западните земји беше меѓу 20 и 30 отсто.

Меѓу 33 и 45 отсто од возрасните Австралијци се жалат на недоволна количина сон. Следуваат Американците со 35 отсто и Канаѓаните со 30 отсто.

Бројот на луѓето кои немаат доволна количина сон во Велика Британија изнесува 37 отсто, во Сингапур 28, а во Франција 26 отсто.

„Недоволната количина сон може да предизвика и економски последици“, се наведува во студијата, а научниците анализираа и анкети во земјите и базите на податоци.

Во истражувањето се наведува дека недостатокот на сон е поврзан со проблемите на концентрација, збунетост, нервоза, процесуирање погрешни информации, пад на мотивација, проблеми во комуницирање, но и го зголемува ризикот од срцев удар, мозочен удар, зголемен крвен притисок, дебелина, дијабетес и депресија.