Руски космонаут објави фотографија на Анталија од вселената

МОСКВА (АА) - Рускиот космонаут Олег Артемјев сподели фотографија на Анталија снимена од вселената со порака „прекрасен топол град“, пренесува Анадолу.

Артемјев на својот профил на социјалните мрежи наведе дека на медитеранскиот брег и на југот од Туркије постои гостопримлив град за одмор.

Тој истакна дека ова место го посетуваат голем број руски туристи.

„Дали некогаш сте се прашале како овој прекрасен топол град изгледа од вселената додека уживате во сонцето? Во моментов имате единствена можност. Дами и господа, Анталија од Меѓународната вселенска станица“, напиша Артемјев.