Hüseyin Erdoğan
29 Декември 2016•Ажурирај: 30 Декември 2016
АНКАРА (АА) - Првата генерација руски водени реактори под притисок, ВВЕР-440, една од енергетските единици на нуклеарната централа „Нововоронеж“ е затворена на 25 декември, како дел од пилот-проектот за елаборација на технологијата за затворање на нуклеарните реактори во земјата ВВЕР-440, според операторот со подружницата на државната нуклеарна корпорација, Росатом, „Росенергоатом“, јавува Anadolu Agency (AA).
Ова затворање ќе помогне во проширувањето на надлежностите на концернот „Росенергоатом“ за понатамошен влез на меѓународниот пазар на услуги во енергетскиот сектор со нуклеарна енергија, велат од компанијата.
Нуклеарната единица „Нововоронеж“ број 3 генерираше 118,67 милијарди киловат-часови електрична енергија во периодот на своето функционирање од над 45 години. Тоа количество е повеќе од половина од годишното производство на сите руски нуклеарни централи.
Овој нуклеарен погон е првиот од целото семејство на серијата од 440 мегаватни нуклеарни единици и беше ставен во комерцијална употреба во декември 1971 година.
Постојат 6 нуклеарни единици со ВВЕР-440 реактори во Русија: две во нуклеарната централа во „Нововоронеж“, и четири единици во нуклеарната централа во Кола. Други 29 вакви единици од слични проекти се изградени во Ерменија, Бугарија, Унгарија, Германија, Чешка, Словачка, Украина и во Финска.
„Исклучувањето и понатамошното затворање на поголемиот дел од оперативните странски нуклеарни централи ќе започне по 2030 година, што ќе бара голем број специјализирани претпријатија и персонал со соодветни вештини. Се проценува дека обемот на пазарот за затворање на странските нуклеарни единици со ВВЕР-440 реактори изградени врз руски проекти изнесува околу 29 милијарди долари“, велат од компанијата.
