Првото затемнување на Сонцето оваа година можеше да се следи од Канада, Мексико и САД

ЊУЈОРК (АА) - Првото целосно затемнување на Сонцето во годината можеше да се следи од стотици градови и мали населби во 13 американски сојузни држави, јавува Анадолу.

Многу луѓе беа сведоци на првото целосно затемнување на Сонцето оваа година. Затемнувањето можеше да се следи на подрачје со должина од околу 186 километри низ делови од Мексико, Соединетите Американски Држави и Канада.

Првото целосно затемнување на Сонцето се случи на западниот брег на Мексико. Ова е прво затемнување видливо од американскиот континент од 2017 година, а следната можност за овој феномен ќе биде во 2044 година.