Првиот кинески авион од класата тилтротор од 6 тони го оствари својот прв лет

ИСТАНБУЛ (АА) - Ланинг Р6000, авион тилтротор од класата од 6 тони, развиен од кинеска компанија и прв авион од ваков вид во светот, го оствари својот прв лет денес во југозападната кинеска покраина Сечуан, известува Анадолу.

Дизајниран за патување од точка до точка во градови, преку мориња и низ планински предели, Р6000 има за цел да го намали времето на патување и да ги поврзе регионите, се наведува во соопштението на инвеститорот „Јунајтед Еркрафт“ испратено до „Глобал тајмс“.

Жао Фенгминг, менаџер на проектот, за „Глобал тајмс“ изјави дека Р6000 го означува влегувањето на Кина во глобалното водство во тилтроторската авијација, кршејќи го долгогодишниот технолошки монопол.

Опремен со моторот AES100, независно развиен од AERO Engine Corporation of China, Р6000 има напредна тилтроторска технологија.

Овој авион може лесно да преминува помеѓу вертикално полетување и брз хоризонтален лет.

Ова го комбинира вертикалното полетување и прецизното лебдење на хеликоптерите со долгиот дострел, транспорт на голем товар и брзината на авионите со фиксни крила, создавајќи уникатна платформа со двоен режим на летање.

Р6000 може да лета со брзина од 550 км/ч, двојно повеќе од брзината на класичните хеликоптери. Има максимален комерцијален товар од 2.000 кг и опсег од 4.000 км, четири пати поголем од класичните хеликоптери.

Со досег од 7.620 метри висина, Р6000 достигнување двојно поголема височина од онаа на класичните хеликоптери. Дополнително, има технологии за преклопување на крилата и повлекување на перките што ја минимизираат неговата големина за полесно паркирање и складирање во ограничени простори.