„Турција е битен партнер, не треба да се остава настрана“

БЕРЛИН (АА) - Германската канцеларка Ангела Меркел изјави дека Турција е земја партнер во голем број теми, и дека и покрај сите случувања за кои треба отворено да се дискутира, оваа земја не треба да се турка настрана, јавува Agency Agency (AA).

Меркел во интервју за германскиот весник "Kölner Stadtanzeiger", се осврна на односите со Турција, порачувајќи дека со Турција треба за сите прашања да се зборува директно и отворено.

„Турција е партнер и сојузник во голем број важни теми. Турција е сојузник во борбата против тероризмот, во решавањето на проблемите во Сирија и Ирак. И покрај негативните случувања за кои мора да зборуваме отворено, не треба да ја туркаме настрана. Покрај тоа, милиони жители со турско потекло живеат во Германија“, рече Ангела Меркел.

На прашањето дали за Турција има иднина во ЕУ по референдумот за уставни промени во оваа земја, Меркел одговори:

„Ние во Европа мораме да разговараме за тоа каков однос сакаме со Турција во иднина. Со Турција, членка на НАТО, којашто беше и сѐ уште е важен партнер, мораме да разговараме директно. Мора да бидеме отворени за критики. Мораме да се однесуваме рационално, бидејќи добрите односи со Турција се во наш интерес“.

На прашањето дали воведувањето на смртната казна во Турција е црвената линија од која ќе зависи членството на Турција во ЕУ, Меркел одговори дека со воведувањето на смртната казна целосно ќе се отстрани потпирачот во преговорите за членство, односно, како што рече, тоа би ги нарушило темелните европски вредности.