Почна јубилејниот 70. Меѓународен филмски фестивал во Берлин

БЕРЛИН (AA) – Во главниот град на Германија, Берлин, синоќа започна јубилејниот 70. Меѓународен филмски фестивал (Берлинале), јавува Агенција Анадолија (АА).

Фестивалот започна со прикажувањето на филмот „Мојата година со Селинџер“ (My Salinger Year) на канадскиот режисер Филипе Фалардо.

На црвениот ќилим пред Палатата на Берлинале се прошетаа бројни познати имиња од филмската индустрија, вклучувајќи го и британскиот актер Џереми Ајронс кој е претседател на жирито на овогодишниот фестивал.

Гала-вечерта во „Палатата на Берлинале“ почна со едноминутен молк и со оддавање почит на жртвите кои страдаа во расистичкиот и терористички напад во Ханау.

Во текот на одржувањето на „Берлинале“ ќе бидат прикажани близу 340 филма од 71 земја, а во натпреварувачката програма се 18 филмски остварувања.

Во натпреварувачката програма за Златна мечка ќе се натпреваруваат 18 филма од исто толку земји.

Победниците ќе бидат познати на 29 февруари.