ВАШИНГТОН (АА) - Наградите „Прајмтајм Еми“ по 77. пат беа доделени на церемонијата што се одржа во Лос Анџелес, САД, а еврејската актерка Хана Ајнбиндер го заврши своето обраќање со повикот „Слобода за Палестина“, известува Анадолу.

Наградите „Прајмтајм Еми“, честопати опишани како „телевизиски оскари“, беа доделени на церемонијата одржана во театарот „Пикок“ во Лос Анџелес.

Минисеријата на Нетфликс „Адолесценција“ освои награди во повеќе категории, а 15-годишниот Овен Купер стана најмлад добитник на наградата „Еми“ за улогата во серијата.

На церемонијата вниманието го привлече говорот на еврејската актерка Хана Ајнбиндер, која ја освои наградата за споредна женска улога за улогата во серијата „Хекс“.

Примајќи ја наградата на сцената, Ајнбиндер ги критикуваше политиките на американскиот претседател Доналд Трамп, завршувајќи го говорот со зборовите: „Слобода за Палестина. Проклет да е ICE (US Imigration and Customs Enforcement).“

По примањето на наградата, Ајнбиндер пред салата рече:

„Како Еврејка, моја обврска е да го искажам одвојувањето на Евреите од Државата Израел. Нашата религија и култура се навистина одвоени од овој вид етнонационалистичка држава.“

Реномираната актерка, која исто така носеше значка од движењето „Уметници за прекин на огнот“, на кое му се придружија голем број филмски уметници повикувајќи на прекин на огнот во Газа, изјави дека таму има пријатели што им помагаат на Палестинците во Газа и дека настаните длабоко ја погодиле.

Ајнбиндер нагласи дека е среќна што е дел од протестите против институциите соучесници во геноцидот што го спроведува Израел.

Заедничката изјава на светски познати актери, режисери и филмски работници, вклучително и добитници на наградите Оскар, БАФТА, Еми и Кан, во која се наведува нивното одбивање да соработуваат со израелските филмски институции (вклучително фестивали, кина, радиодифузери и продуцентски компании) вмешани во геноцидот и злосторства од апартхејдот против палестинскиот народ, беше потпишана од повеќе од 4.000 луѓе.

Откако беше објавена изјавата на 8 септември, потпишана од над 1.300 луѓе, меѓу кои и познатите актери Оливија Колман, Марк Рафало, Риз Ахмед, Тилда Свинтон, Хавиер Бардем и Сузан Сарандон, како и режисерите Јоргос Лантимос, Ава Дувернеј и Адам Мекеј, за краток период ја потпишаа повеќе од 4.000.