Ekip
02 Декември 2021•Ажурирај: 03 Декември 2021
ПАРИЗ
Француските власти најавија дека сите патници кои се надвор од Европската Унија, без разлика дали се вакцинирани или не, ќе мора да прикажат негативен тест за Ковид-19 за да влезат во земјата, јавува Агенција Анадолија (АА).
„Почнувајќи од сабота, Франција ќе бара од сите патници кои не се европски државјани, да покажат резултат од тестот против Ковид-19 кој е валиден 48 часа пред пристигнувањето, додека невакцинираните граѓани од Шенген зоната ќе мора да прикажат тест направен 24 часа пред пристигнувањето“, изјави портпаролот на Владата, Габриел Атал.
„Одлуката за воведување задолжителни негативни тестови, ПЦР или ангитен тестови, беше донесена поради ефикасно справување со новата варијанта на вирусот Омикрон“, рече тој.
Ова во голема мера ќе влијае на патниците од земјите кои не се членки на ЕУ, вклучувајќи ги Велика Британија, САД, Канада, Кина, Јапонија, Австралија, Нов Зеланд и Русија, кои доаѓаат во Франција за да ги прослават божиќните празници и Нова година.
Атал рече дека сè уште останува главниот проблем во врска со задолжителните негативни тестови да се справи со засегнатите патници кои доаѓаат во ЕУ од земји кои не се членки на ЕУ.
„Во овој момент, работиме на европската координација. Одлуката ќе биде донесена до крајот на оваа недела.“
„Франција, исто така, од сабота под строг надзор ќе ги обнови воздушните врски со јужноафриканските земји каде што првпат беше идентификувана варијантата Омикрон“, најави тој.
За ова, во ограничувањето на патувањето ќе биде воведена нова категорија на црвени земји, вклучувајќи ги Јужна Африка, Лесото, Боцвана, Зимбабве, Мозамбик, Намибија и Есватини, од каде што летовите се суспендирани од 26 ноември, покрај Малави, Замбија и Маурициус.
Атал истакна дека во Франција во моментов има 13 сомнителни случаи на варијантата Омикрон кои ќе бидат потврдени од здравствените власти во наредните денови и нагласи дека „нема паника, туку максимална внимателност“ за тоа.
Петтиот бран на пандемијата на Ковид-19 продолжи да се забрзува со бројки за дневни случаи кои се зголемуваат втор ден по ред. Според здравствените податоци објавени доцна синоќа, во последните 24 часа се регистрирани 49.610 нови случаи и 96 смртни случаи, откако претходниот ден беа регистрирани 47.177 случаи.
