Aybüke İnal Kamacı
24 Јуни 2021•Ажурирај: 27 Јуни 2021
АНКАРА
Вакцината „Турковак“ против Ковид-19, развиена во соработка со Универзитетот „Ерчијес“, Министерството за здравство и Претседателството на турските здравствени институти (TÜSEB), се администрира кај доброволци во рамките на третата фаза од студијата, јавува Агенција Анадолија (АА).
Активностите за домашната инактивирана вакцина, која претседателот на Турција, Реџеп Таип Ердоган, ја соопшти како „Турковак“, продолжува во Градската болница во Анкара, која е еден од студиските центри.
Во рамките на третата фаза од студијата, вакцината се администрира на граѓани кои закажуваат состанок преку интернет-страницата „e-Nabız“, кои притоа ги исполнуваат условите за доброволно вакцинирање.
Специјалистот за инфективни болести, доц. д-р Бирџан Кајаслан, рече дека конечно е дојдено до очекуваната фаза и дека од оваа недела вакцините се администрираат на доброволци во рамките на третата фаза од студијата.
Доц. д-р Кајаслан, истакнувајќи дека за волонтерите направиле крвна слика и ПЦР-тест, рече:
„ПЦР-тестот се прави за да осигури дека моментално лицето не е позитивно. Бидејќи некогаш и без симптоми може да го носи вирусот. Во крвната слика проверуваме дали има антитела за SARS-CoV-2.“
Нагласувајќи дека стапката на вакцинација треба да се зголеми за да се победи вирусот, Караслан рече: „Ова е национална вакцина. Претходните студии покажуваат дека е доста ефикасна. Очекуваме сите наши граѓани кои сакаат да бидат доброволци, да се пријават во нашите центри.“
- „Повеќе верував во домашната вакцина“
Доброволецот Тахсин Тунч има 33 години и работи како машки фризер во Анкара:
„Иако како професионален фризер имав приоритет, не се вакцинирав. Чекав да бидам доброволец. Бидејќи сакав да дадам придонес во студијата и повеќе верував во домашната вакцина. Другите вакцини се на пазарот околу 7-8 месеци. Јас им верувам на нашите домашни доктори. Тоа е една од причините што не се вакцинирав досега.“
Еден од другите доброволци, 24-годишниот Мухамет Челик, рече: „Првата причина што доброволно се пријавив е тоа што турската вакцина е сигурна. Мислев дека би било посоодветно да ја примам вакцината што ја произведува Турција наместо другите вакцини.“
Посочувајќи на важноста на луѓето што побрзо да се вакцинираат и да се вклучат во социјалниот живот, Челик упати повик до сите граѓани да се вакцинираат.
- Повеќе од 40.000 доброволци ги исполнија условите за учество во студијата во фазата 3
Доброволците за студијата во фазата 3 на домашната вакцина „Турковак“ се избрани на возраст од 18 до55 години, тие што не се позитивни на Ковид-19 и кои не ја прележаа болеста.
Во овој контекст, повеќе од 40.000 доброволци од Турција и странство, ги исполнија потребните услови да учествуваат во третата фаза од студијата за домашната вакцина.
