свет, Коронавирус

Регулаторот за лекови на ЕУ ја испитува компатибилноста на вакцината на Фајзер/БајоНТех со варијантите на Ковид-19

Прелиминарната проценка на ЕМА го забрзува процесот за да може компанијата да аплицира за пазарно одобрување на вакцината

Ömer Tuğrul Çam  | 09.08.2022 - Обновена : 11.08.2022
Регулаторот за лекови на ЕУ ја испитува компатибилноста на вакцината на Фајзер/БајоНТех со варијантите на Ковид-19

БРИСЕЛ (АА) - Регулаторната агенција за лекови на Европската Унија (ЕУ) испитува колку новата верзија на вакцината развиена од „Фајзер/БајоНТех“ против Ковид-19, е компатибилна со варијантите, пренесува Агенција Анадолија (АА).

Во информациите на веб-страницата на Европската агенција за лекови (EMA), се нагласува дека се прави прелиминарно испитување на компатибилноста на вакцината наречена „Комирнати“ со вирусот SARS-CoV-2 и подваријантите Omicron BA.4/5.

Прелиминарната проценка на ЕМА го забрзува процесот за да може компанијата да аплицира за пазарно одобрување на вакцината.

Откако компанијата ќе поднесе барање за одобрение, ЕМА може за кратко време да ги објави резултатите од испитувањето, што вообичаено може да трае со месеци.

Вакцината за Ковид-19 базирана на mRNA, развиена од американската фармацевтска компанија „Фајзер“ и германската биотехнолошка компанија „БајоНТех“, доби одобрение од ЕМА во последните денови од 2020 година за употреба во Европската Унија (ЕУ).

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.