Претседателот на турскиот Парламент се вакцинираше против Ковид-19
Првата доза на вакцината „CoronaVac“ произведена од страна на кинеската компанија „Sinovac“, кој почна да се применува во Турција, Шентоп ја прими во собата за применување на вакцина во Градската болница во Анкара.
АНКАРА
Претседателот на Големото народно собрание на Турција (ТБММ), Мустафа Шентоп, ја прими првата доза на вакцината против новиот вид коронавирус (Ковид-19) во Градската болница во Анкара, јавува Агенција Анадолија (АА).
Првата доза на вакцината „CoronaVac“ (Коронавак) произведена од страна на кинеската компанија „Sinovac“ (Синовак), кој почна да се применува во Турција, Шентоп ја прими во собата за применување на вакцина во Градската болница во турскиот главен град Анкара
Шентоп на сите им препорача да се вакцинираат, додавајќи дека извршените работи покажуваат дека вакцината е корисна.
Тој го оцени и процесот на вакцинирање на пратениците во Парламентот и рече дека откако ќе пристигне новата група на вакцини, ќе имаат појасен календар и датум за тоа.
„Во парламентот има 584 пратеници. Според официјалните информации кои ги добивме, регистрирани се 142 случаи на Ковид-19 кај пратениците. Значаен дел од нашите колеги лесно го поминаа, но имаше и некои кои многу тешко го поминаа тоа“, истакна Мустафа Шентоп, претседател ТБММ.
