Дневниот број на новозаразени со Ковид-19 во Русија 5-ти ден под 7.000

МОСКВА (AA) - Дневниот раст на случаите на коронавирусот во Русија е под 7.000 петти ден по ред, додека бројот на излекувани расте, што резултира со пад на активните случаи, пренесува Агенција Анадолија (АА).

Бројот на заразени со коронавирусот, Ковид-19, во Русија се зголеми на 647.849, а вкупниот број на починати на 9.320.

Рускиот Центар за контрола и превенција од Ковид-19 соопшти дека во последните 24 часа се детектирани 6.693 лица позитивни на Ковид-19, со што вкупната бројка на заразени се зголеми на 647.849.

Во последното деноноќие регистрирани се 154 смртни случаи, со што вкупниот број на починати од коронавирусот во Русија се искачи на 9.320.

Во истиот период оздравеа 9.220 лица заразени со Ковид-19, со што вкупната бројка на оздравени се искачи на 412.650.

Процентот на новооткриени случаи забележува раст од 1 процент. Кај 30,2 проценти од новооткриените случаи не се забележани симптоми на коронавирусот.

Во Москва во последните 24 часа детектирани се 745 лица позитивни на Ковид-19, со што вкупниот број на заразени во градот се искачи на 221.698, додека во истиот период регистрирани се 35 смртни случаи. Вкупниот број на починати во главниот град на Русија изнесува 3.796.

Службата за заштита на човековото здравје и правата на потрошувачите во Русија соопшти дека во земјата досега направени се над 19.500.000 тестирања за Ковид-19. Во последните 24 часа во земјата направени се 228.000 тестови.

Во соопштението исто така се наведува дека 288.000 лица се под надзор.

Првиот случај на Ковид-19 во земјата е откриен на 31 јануари, а првиот смртен случај е регистриран на 19 март.