Во Турција против коронавирусот досега вакцинирани околу 650.000 лица
„Бројот на вакцинирани ќе продолжи да расте во наредните денови“
ИСТАНБУЛ (АА) - Над 110.000 здравствени работници досега се вакцинирани против коронавирусот во Истанбул, а за два дена низ цела Турција вакцинирани се вкупно 650.000 лица, јавува Агенција Анадолија (AA).
„Бројот на вакцинирани ќе продолжи да расте во наредните денови“, изјави високиот здравствен претставник за Истанбул, д-р Кемал Мемишоглу.
Според последните податоци на Министерството за здравство, во Турција досега имунизирани се 650.000 лица.
Во земјата во изминатите денови регистриран е пад на бројот на новозаразени, со досега вкупно регистрирани 2,37 милиони случаи на вирусот, 23.664 смртни случаи и 2,24 милиони излекувани.