Во Италија бројот на лица починати од Ковид-19 се зголеми на 35.082

РИМ (АА) - Во последните 24 часа во Италија како последица на коронавирусот (Ковид-19) починаа 9 лица, односно вкупно 35.082 лица, пренесува Агенција Анадолија (АА).

Министерството за здравство ги сподели последните информации за епидемиолошката ситуација во земјата, каде веќе 5 месеци владее епидемија на Ковид-19.

Бројот на активни случаи е поголем за 72 и изнесува 12.322. До денес со Ковид-19 се заразени вкупно 245.032 лица. Во последните 24 часа потврдени се 282 случаи на вирусот.

Бројот на оздравени лица од Ковид-19 е поголем за 197 и изнесува 197.628.

Од Ковид-19 во последните 24 часа починаа 9 лица, односно, вкупната бројка на починати лица од овој вирус во Италија изнесува 35.082.

Во земјата до денес направени се 6.354.730 тестирања.