Во Иран во последните 24 часа од Ковид-19 починаа 113 лица

ТЕХЕРАН (АА) – Во Иран, вкупниот број на починати од вирусот Ковид-19 достигна 8.950, со евидентирани 113 смртни случаи во текот на изминатите 24 часа, пренесува Агенција Анадолија (АА).

Портпаролката на Министерството за здравство, Сима Садат Лари, потврди дека во текот на последните 24 часа од Ковид-19 во земјата починале 113 лица, а регистрирани се 2.449 новозаразени.

Истакнувајќи дека вкупниот број на починати во земјата е зголемен на 8.950, Лари рече дека бројот на заразени се искачил на вкупно 189.876.

Портпаролката соопшти дека 2.765 лица заразени со коронавирусот се во критична состојба, додека излекувани и отпуштени од болница се 150.590 лица, кај кои претходно е дијагностициран Ковид-19.

Таа исто така рече дека досега во земјата се направени вкупно 1.269.194 тестирања за Ковид-19.

Во Иран на почетокот од мај бројот на евидентирани случаи во едно деноноќие беше намален на под 800.

Откако беа укинати забраните за движење, бројот на регистрирани случаи со Ковид-19 повторно почна да се зголемува.