Во Индија регистрирани над 20 илјади случаи со Ковид-19 во едно деноноќие, во Кина ситуацијата под контрола

АНКАРА (АА) – Во Индија, една од земјите што се најмногу погодени од епидемијата на Ковид-19, во последните 24 часа регистрирани се над 20.000 случаи со Ковид-19, а во Кина ситуацијата е под контрола, пренесува Агенција Анадолија (АА).

Според соопштението на Министерството за здравство на Индија, во изминатите 24 часа од коронавирусот починале 256 лица, со што вкупната бројка на починати се зголеми на 148.994.

Во последните 24 часа во земјата се откриени 20.035 нови случаи, вкупно 10.286.709. Оздравени се 9.883.461 лице.

Според интернет-порталот „Worldometer“, Индија е втора земја во светот според бројката на лица позитивни на коронавирусот и трета според бројката на смртни случаи поврзани со Ковид-19.

- Кина -

Во Кина во последните 24 часа забележани се 19 новозаразени со Ковид-19, од кои 9 потекнуваат од земјата, со што вкупниот број на заразени се зголеми на 87.071.

Според податоците на Националната здравствена комисија на Кина, во последните 24 часа во земјата не е забележан ниту еден смртен случај од последици предизвикани од коронавирусот.

Во Кина, каде што се појави Ковид-19 , досега починаа 4.634 лица, а оздравени се 82.067 лица претходно заразени со вирусот.

- Јужна Кореја -

Од Јужнокорејскиот центар за контрола и превенција на болести е наведено дека во земјата во изминатите 24 часа се откриени 1.029 нови случаи, со што вкупниот број на случаи е зголемен на 61.769.

Во изминатите 24 часа починаа уште 17 лица, вкупно 917 од почетокот на пандемијата.

Досега оздравеа 42.953 лица претходно заразени со вирусот.