„Фајзер“/„БајоНТех“ аплицира за одобрение за вакцина против Ковид-19 за деца под 5 години

ЊУЈОРК (АА) - Американската агенција за храна и лекови (FDA) од фармацевтската компанија „Фајзер“/„БајоНТех“ побарала да аплицира за одобрение за итна употреба на вакцината против Ковид-19 за деца на возраст под 5 години, јавува Агенција Анадолија (АА).

Повеќе од 1,6 милиони деца под 4-годишна возраст во Соединетите Американски Држави (САД) се заразени со Ковид-19.

„Фајзер“/„БајоНТех“, на барање на ФДА, аплицира за одобрение за итна употреба на две дози вакцина против Ковид-19 за деца на возраст од 6 месеци до 5 години.

ФДА на 15 февруари ќе дискутира за апликацијата на „Фајзер“/„БајоНТех“ за одобрение на итна употреба на вакцината против Ковид-19 за оваа возрасна група.

Фармацевтските компании продолжуваат со тестовите за трета доза вакцина против Ковид-19 за оваа возрасна група.